Xeber Informasiya Agentliyi

İlham Əliyev: Bu kubok oyunçularımızda daha böyük həvəs oyadacaq

- W1siZiIsIjIwMTgvMDIvMDkvMTkvNTkvMjYvZjEwZGM2MWItNmEyYS00NDE0LWFhYWUtZjhhNDA2ODNhMjc1L3ByZXppZGVudC5qcGciXSxbInAiLCJlbmNvZGUiLCJqcGciLCItcXVhbGl0eSA4MCJdLFsicCIsInRodW1iIiwiNjIweDQ2NVx1MDAzZSJdXQ - İlham Əliyev: Bu kubok oyunçularımızda daha böyük həvəs oyadacaq

Biz Azərbaycanın və Bakının turnenin keçirildiyi ölkə və şəhərlərdən biri kimi seçilməsindən qürur duyuruq. Bu, bizim üçün həqiqətən də böyük şərəfdir.

Netxeber.Az-ın məlumatına görə, bunu Azərbaycan Prezidenti İlham Əliyev Futbol üzrə dünya çempionatının Kubokunun əsli təqdim edilərkən deyib.

Prezidentin sözlərinə görə, azarkeşlər bu Kuboka baxmaqdan çox məmnun olacaqlar.

“Mən sizin icazənizlə bu kuboka toxundum. Mən bilirəm ki, Kuboka yalnız çempionlar və dövlət başçıları toxuna bilərlər. Əminəm ki, tariximizdə ilk dəfə qeyd etdiyimiz bu əlamətdar hadisə futbolumuzda, oyunçularımızda daha da böyük həvəs oyadacaq, dünyada bu ən məşhur idman növünün Azərbaycanda inkişafına kömək edəcək. Biz futbolun, idmanın inkişafına kömək etməyə çalışırıq. Azərbaycanın idman sahəsində yaxşı nəticələri var.

Keçmiş Rio Olimpiya Oyunlarında Azərbaycan yığması ümumi medal sayına görə dünyada 14-cü yeri tutmuşdur.

Biz iki mötəbər beynəlxalq idman yarışına – Avropa Oyunlarına və İslam Həmrəyliyi Oyunlarına ev sahibliyi etmişik və bu oyunlarda komandamız medal sayına görə müvafiq olaraq ikinci və birinci yerləri tutmuşdur. Biz Bakıda futbol üzrə Avroliqanın finalına və futbol üzrə Avropa çempionatının dörddəbir finalına və bir neçə qrup oyunlarına ev sahibliyi etməyi səbirsizliklə gözləyirik.

Biz artıq mötəbər beynəlxalq, Avropa idman və futbol yarışlarına ev sahibliyi edəcək dünya ölkələrinin birinə çevrilirik. Əlbəttə ki, bunu biz dostluq və FIFA-ya hörmət əlaməti hesab edirik. Sizdən bizim qonağımız olmuş FIFA-nın prezidenti cənab İnfantinoya salamlarımı çatdırmağı xahiş edirəm. Biz hamımız bu tarixi günü xatırlayacağıq”.


www.netxeber.az

Bunlar da maraqlıdır
Şərhlər
Yüklənir...